Datblygu a Gwerthuso Ymyriadau Cymhleth ar gyfer Iechyd y Cyhoedd

Ar gyfer pwy mae hyn?

Ymchwilwyr, myfyrwyr PhD, ymarferwyr a llunwyr polisïau. Ni ragdybir y bydd gennych unrhyw wybodaeth flaenorol.

Trosolwg cryno o’r cwrs

Nod y cwrs hwn yw rhoi cyflwyniad i wahanol ddulliau a ddefnyddir ar gyfer datblygu a gwerthuso ymyriadau iechyd cyhoeddus cymhleth. Byddwch yn dysgu am ddulliau ac ymagweddau gwahanol a ddefnyddir i ddatblygu ymyriadau newydd a’u gwerthuso. Mae hyn yn cynnwys sut i ddatblygu ‘model rhesymeg’ ymyrraeth, a sut mae DECIPHer yn gweithio gyda llunwyr polisïau, gweithwyr proffesiynol iechyd a’r cyhoedd i gyd-gynhyrchu ymyriadau a pheilota a gwerthuso effeithiolrwydd yr ymyriadau.

Cynhelir y cwrs gan arbenigwyr ym maes ymyriadau iechyd y cyhoedd o DECIPHer a sefydliadau sy’n cydweithio â ni, gan gynnwys Llywodraeth Cymru, Prifysgol Bryste, Prifysgol Caerwysg, Prifysgol Metropolitan Caerdydd, Prifysgol Sheffield a Phrifysgol Munich Ludwig Maximilian.

Beth fyddaf yn ei ddysgu?

• Theori a’r rhesymeg sy’n sail i’r model ecolegol-gymdeithasol;
• Teipolegau ac enghreifftiau o ymyriadau cymhleth;
• Safbwyntiau systemau cymhleth;
• Dulliau ymchwil ac adnoddau ar gyfer datblygu ymyrraeth, gan gynnwys arweiniad ynghylch MYNEGAI 2019;
• Fframweithiau ar gyfer gwerthuso ymyriadau;
• Defnyddio modelau rhesymeg i lywio’r gwaith o gynllunio a gwerthuso ymyriadau;
• Cynnwys y cyhoedd a dulliau cydgynhyrchu;
• Addasu ymyriadau cymhleth ar gyfer cyd-destunau newydd;
• Gwerthuso prosesau;
• Astudiaethau dichonoldeb a threialon peilot;
• Hapdreialon rheoledig;
• Arbrofion naturiol a chysylltiadau data;
• Gwerthusiad economaidd o ymyriadau cymhleth.