Arloesedd Methodolegol Ym Maes Gwyddoniaeth Iechyd Cyhoeddus Ac Ymyriadau

Jemma Hawkins | Cardiff University | DECIPHer

Doctor Jemma Hawkins

Prif Ymchwilydd
Mike Robling | Cardiff University | DECIPHer

Yr Athro Mike Robling

Prif Ymchwilydd

Yn nodweddiadol, mae ymyriadau i wella iechyd plant a’r glasoed yn digwydd mewn systemau cymdeithasol hynod gymhleth, fel ysgolion, systemau gofal cymdeithasol neu gymdogaethau. Mae datblygu tystiolaeth ac ymyriadau dan ddylanwad theori o fewn y systemau cymhleth hyn, gwerthuso sut mae’r rhain yn effeithio ar fywydau plant a phobl ifanc, a deall sut gall canfyddiadau o werthuso gael eu hefelychu mewn ymarfer cyffredin, yn gallu bod yn heriol tu hwnt.

Mae rhaglen fethodoleg DECIPHer yn canolbwyntio ar ddatblygu arweiniad methodolegol ac ehangu arloesedd methodolegol, ar gyfer datblygu, gwerthuso a gweithredu ymyriadau i wella iechyd a lles. Mae gan DECIPHer hanes hir o arwain ym maes arweiniad ac arloesedd methodolegol, gan gynnwys datblygu arweiniad dulliau ar werthuso proses, darnau trafod ar wyddor ymyrryd systemau cymhleth a defnyddio data cyffredin o fewn treialon ac arbrofion naturiol, ac astudiaethau achos arloesedd methodolegol gan gynnwys fframwaith ar gyfer cyd-gynhyrchu ymyriadau a’u prototeipio.

Caiff nodau’r rhaglen eu cyflawni trwy bedair prif fecanwaith:

  1. Ymchwil “dulliau”, gan gynnwys astudiaethau wedi’u hariannu gan y Gyngor Ymchwil Meddygol yn canolbwyntio ar ddatblygu arweiniad methodolegol;
  2. Astudiaethau achos ar ymyrraeth fethodolegol o fewn astudiaethau ymyrryd, gan gynnwys astudiaethau datblygu, gwerthusiadau arbrofol naturiol gan ddefnyddio data cyffredin, hapdreialon rheoledig ac ymchwil weithredu;
  3. Cyhoeddi erthyglau golygyddol a darnau ‘mynegi barn’ methodolegol i ysgogi trafodaeth ar ffyrdd ymlaen ar gyfer ymchwil ymyrraeth;
  4. Rhaglen o addysgu cwrs byr a gydnabyddir yn rhyngwladol ar fethodoleg, a gyflwynir i ymchwilwyr, ymarferwyr a llunwyr polisïau.

Er mai iechyd plant a’r glasoed yw ffocws craidd DECIPHer, mae’r rhaglen yn cynhyrchu arweiniad ac arloesedd sy’n berthnasol yn fras i ymyrraeth mewn poblogaethau ac amgylchiadau eraill. Mae meysydd ymchwil yn y rhaglen hon, yn awr ac yn y dyfodol, yn cynnwys datblygu arweiniad ar gyfer addasu ymyriadau cymhleth i gyd-destunau newydd a dulliau o gynnwys y cyhoedd, ac astudiaethau achos o arloesedd methodolegol mewn gwyddor gweithredu, gwyddor systemau a defnyddio data cyffredin.

Prosiectau wedi’u mabwysiadu gan DECIPHer mewn Arloesedd Methodolegol ym maes Gwyddoniaeth Iechyd Cyhoeddus ac Ymyriadau:

Astudiaeth ADAPT

Canolfan Wolfson

A yw gofal awdurdod lleol yn gwneud gwahaniaeth i fywydau plant sy’n agored i niwed? Dadansoddiadau arhydol o garfan electronig ôl-weithredol

Cymrodoriaeth CRUK: Anghydraddoldebau mewn ysmygu a’r amrywiaeth o brosesau ymlediad cymdeithasol yn yr ysgol

CENTRIC

Dewislen