Yr addysgu, yr ymweliadau a’r cydweithrediadau byd-eang hyd yma’r flwyddyn academaidd hon
Medi 2022 – Croesawodd DECIPHer dri academydd o Ddenmarc – Dr Knud Ryom a Dr Julie Sandell Jacobsen o Brifysgol Aaarhus a Dr Louise Lund Thompsen o Brifysgol Aalborg. Daeth eu hymweliad i ben gyda seminar ymchwil yn SPARK am eu meysydd gwaith a chyfleoedd i gydweithio.
-Cyflwynodd Dr Ryomn ar The Child-COOP Denmarc: Ymagwedd System Gyfan at Hybu Iechyd Plant mewn Cymunedau yn Nenmarc.
-Cyflwynodd Dr Sandell Jacobsen Dreial MoveTheHip: Cymharu Ymarfer Corff ac Addysg Cleifion â Gofal Arferol wrth Drin Dysplasia Clun.
-Cyflwynodd Dr Thomsen Broses Gwerthusiad Realydd Ansoddol.
Croesawodd DECIPHer Devy Elling, myfyriwr PhD o Brifysgol Stockholm. Fe gyflwynodd hi ar ei PhD: Gwerthuso rhaglen atal aml-gydran mewn gweithleoedd yn Sweden: Heriau a gwersi a ddysgwyd. Gallwch ddarllen ei blog .yma.
Mai 2023 – Ymwelodd Dr Rhiannon Evans a Dr Honor Young â Namibia i weithio ar gynllun peilot Rhwydwaith Ymchwil Iechyd Ysgolion Namibia (SHRN). Darllenwch fwy am eu taith yma.
Medi 2022 – Aeth Dr Yulia Shenderovich i gynhadledd flynyddol SVRI (Menter Ymchwil Trais Rhywiol) yn Cancun. Dan arweiniad Mackenzie Martin, cyflwynodd y Gweithredwr Ansawdd Cyflawni a Phrofiadau ar Raddfa yn Tanzania.
Aeth Dr Hayley Reed, Dr Rhiannon Evans a’r Athro Simon Murphy i Gynhadledd y Gymdeithas Ewropeaidd er Ymchwil i Ataliaeth yn Tallinn. Fe wnaethant gyflwyno Cydgynhyrchu fel methodoleg sy’n dod i’r amlwg ar gyfer datblygu ymyriadau iechyd a lles yn yr ysgol gyda rhanddeiliaid ysgolion uwchradd. Roedd Yulia hefyd yn bresennol ac yn cyflwyno ar gefnogi teuluoedd mewn lleoliadau heriol.
Hydref 2022 – Mynychodd Dr Kelly Morgan gynhadledd ISPAH (Y Gymdeithas Ryngwladol ar gyfer Gweithgarwch Corfforol ac Iechyd) yn Abu Dhabi. Cyflwynodd Gynllun Cenedlaethol i Atgyfeirio Cleifion i Wneud Ymarfer Corff Cymru: Atgyfeirio Cleifion, lefelau derbyn ac ymlynu at ymarfer corff dros ddeng mlynedd.
Cyflwynodd Dr Jemma Hawkins Bum egwyddor i arwain rhaglenni cydweithredol wedi’u creu ar y cyd gyda thair enghraifft o astudiaethau achos cymhwysol yng Nghynhadledd y Gymdeithas ar gyfer Cydweithrediad Ymchwil ar Waith (SIRC) yn San Diego.
Tachwedd 2022 – Mynychodd Dr Yulia Shenderovich Gynhadledd Cymdeithas Ryngwladol Iechyd y Glasoed ym Moldofa, lle cyfarfu â chydweithwyr lleol i drafod cynlluniau ar gyfer ymchwil ar raglenni magu plant i deuluoedd â phobl ifanc.
Ionawr 2023 – Mynychodd Dr Yulia Shenderovich, yr Athro Graham Moore, Dr Rhiannon Evans a Bethan Pell gic gyntaf Prosiect FLOURISH a chyfarfod gweithdy yn Fienna. Buont yn cyflwyno ar weithgareddau cydgynhyrchu a gwerthuso prosesau.
Chwefror 2023 – cyflwynodd Dr Yulia Shenderovich Adnoddau ar gyfer cymorth rhianta ac iechyd meddwl teuluol yng nghyd-destun gwrthdaro yn Iechyd Ffoaduriaid: Cwrs Polisïau ac Ymarfer ym Mhrifysgol McMaster, Ontario.
Mehefin 2023 – Aeth Kelly Morgan i 22ain Cyfarfod Blynyddol Cymdeithas Ryngwladol Maeth Ymddygiadol a Gweithgaredd Corfforol (ISBNPA) yn Uppsala, Sweden.
Aeth Bethan Pell i Gynhadledd Ryngwladol Symposia ar Hamdden wedi’i Drefnu i’r Glasoed.
Medi 2022 – Cyfrannodd Dr Yulia Shenderovich gwrs ar-lein rhad ac am ddim i Ymchwil Menter Ymchwil Trais Rhywiol (SVRI) a chwrs Llwybrau i Effaith Ymchwil sydd ar gael yn rhyngwladol.
Tachwedd 2022 – Dysgodd Dr Graham Moore a Dr Rhiannon Evans gwrs byr ar Werthuso Prosesau Ymyriadau Cymhleth ar gyfer myfyrwyr graddedig ac ymchwilwyr ym Mhrifysgol Klagenfurt, Awstria.
Dysgodd Dr Rhiannon Evans a Dr Rachel Brown y cwrs ar Werthuso Proses ac Addasu ym Mhrifysgol Aalborg, Denmarc.
Mawrth 2023 – Traddododd Dr Yulia Shenderovich y ddarlith gwerthusiadau Proses mewn ymyriadau cymdeithasol ac iechyd cymhleth ym Mhrifysgol Feddygol Fienna.
Mai-Mehefin 2023 – Cyflwynodd Graham Moore a Jemma Hawkins gwrs byr doethurol yn Sefydliad Karolinska yn Stockholm, gan helpu myfyrwyr PhD i ddefnyddio dulliau ymchwil (y cafodd rhai eu datblygu yng Nghymru) ym meysydd pwnc amrywiol.
Cyflwynodd Yulia Shenderovich sesiwn ar werthuso’r broses ar gyfer y prosiect Cryfhau Systemau Cymorth Cymdeithasol ar gyfer Pobl Ifanc sy’n Fudwyr a Phobl Ifanc sy’n Ffoaduriaid ym Maes Addysg Uwchradd (SURE) ym Mhrifysgol Ymreolus Madrid.
Gorffennaf 2023 – Rhoddodd Graham a Jemma dair darlith ar ddatblygu a gwerthuso ymyriadau iechyd cyhoeddus digidol yn Ysgol Haf Iechyd Cyhoeddus Digidol gyntaf Campws Gwyddoniaeth Leibniz yn Bremen.
Cyflwynodd Dr Yulia Shenderovich a Dr Swetha Sampathkumar safbwyntiau Byd-eang ar raglenni iechyd meddwl i gynulleidfa ryngwladol o fyfyrwyr Meistr, PhD ac ymarferwyr yn Ysgol Haf Wolfson mewn Ymchwil Iechyd Meddwl Ieuenctid.
Awst 2023 – Awst 2023: Cyflwynodd Rachel Brown a Rhiannon Evans gwrs pwrpasol ar werthuso prosesau ar-lein i ymchwilwyr ym Mhrifysgol Monash.
Hydref 2022 – Gwahoddwyd Dr Yulia Shenderovich i fod yn Gyd-Arweinydd Academaidd ar gyfer Cymrodoriaethau Proffesiynol y Gymanwlad a gynhelir gan Brosiect Phoenix.
Gwahoddwyd yr Athro Graham Moore i fod yn rhan o grŵp cyfeirio ar gyfer ysgol ymchwil newydd ym Mhrifysgol Gothenburg, Sweden, yn ogystal â bod yn ddarlithydd gwadd mewn encilion preswyl.
Tachwedd 2022 – Gwahoddwyd Dr Yulia Shenderovich i wasanaethu fel Adolygydd Cymheiriaid ar gyfer grantiau Cyngor Ymchwil Feddygol De Affrica.
Chwefror 2023 – Cyfrannodd Dr Yulia Shenderovich at ganllawiau Sefydliad Iechyd y Byd ar ymyriadau rhianta i atal cam-drin a gwella perthnasoedd rhiant-plentyn gyda phlant 0-17 oed.
Ebrill 2023 – Gofynnwyd i Bethan Pell a Dr Sara Long fod yn fentoriaid ar gyfer Grant Rhaglen CARA Syria Ebrill 2023, gan gefnogi academyddion i roi grant at ei gilydd o’r enw ‘Trais ar sail rhywedd yn erbyn menywod sy’n ffoaduriaid o Syria yn Nhwrci’.
Mehefin 2023 – Dyfarnwyd Cymrodoriaeth Churchill i Dr Rhiannon Evans, gan ei galluogi i deithio i wella ei dealltwriaeth o arloesi rhyngwladol mewn atal hunanladdiad ymhlith plant a phobl ifanc sydd wedi cael profiad o ofal. Darllenwch fwy am y wobr a’i chynlluniau i wneud gwaith ymchwil yn Ne Corea ac UDA yma.
Gorffennaf 2023 – Cyfarfu Dr Rachel Brown â’r Athro Tim Aubry, Prifysgol Ottawa, i drafod cydweithrediadau posibl ar gyfer ymchwil digartrefedd.
Gwahoddwyd Dr Rachel Brown i gyd-oruchwylio cais PhD ar gyfer myfyriwr o Brifysgol Aarhus, Denmarc.
