Dyddiad y cwrs
Dydd Mercher 16 Medi 2026
Manylion y cwrs
Nod y cwrs undydd hwn, dan arweiniad y Cymrawd Ymchwil Dr Yulia Shenderovich, yw cynnig gwybodaeth dda am theori ac ymarfer gwerthuso ymyriadau cymhleth drwy broses.
Mae’r tîm addysgu yn cynnwys awduron o sawl darn empirig a methodolegol o waith sy’n gysylltiedig â gwerthuso prosesau, gan gynnwys Dr Swetha Sampathkumar a Amy Edwards.
Beth fyddwch yn ei ddysgu
- Ystyried elfennau allweddol gwerthuso prosesau, megis ffyddlondeb a derbynioldeb ymyriadau cymhleth;
- Rôl gwerthuso prosesau wrth ddeall ymyriadau cymhleth;
- Pwysigrwydd damcaniaeth ymyrryd a modelau rhesymeg;
- Cywirdeb a gweithredu ymyriadau cymhleth;
- Materion ynghylch adnoddau a pherthnasoedd;
- Pennu cwestiynau a chyfuno dulliau.
Ar gyfer pwy mae hyn?
Ymchwilwyr, myfyrwyr PhD, ymarferwyr a llunwyr polisi sydd â diddordeb mewn datblygu a gwerthuso ymyriadau cymhleth, yn benodol ar gyfer iechyd y cyhoedd. Ni ragdybir y bydd gennych unrhyw wybodaeth flaenorol.
Nid oes angen i chi fod wedi gwneud cyrsiau byr eraill DECIPHer.
Addysgu a gwybodaeth ddefnyddiol
Byddwn yn cadarnhau amseroedd, darparu deunyddiau dysgu, a gwybodaeth arall yn ystod y pythefnos cyn eich cwrs.
Lleoliad y cwrs
sbarc|spark, Prifysgol Caerdydd, CF24 4HQ
Ffi’r cwrs
£250
Gall ymwelwyr rhyngwladol ofyn am lythyr gwahoddiad ffurfiol gan Brifysgol Caerdydd, er mwyn ategu eu ceisiadau am Fisa Astudio Tymor Byr, drwy gysylltu â Zoe Macdonald: macdonaldz@cardiff.ac.uk.
Arweinwyr y cwrs
Archebu
Neges Bwysig: Bydd y ddolen uchod yn eich ailgyfeirio i gofrestru drwy borth ar-lein Uned Datblygu Proffesiynol Parhaus Prifysgol Caerdydd i gadw lle. Mae mannau yn destun argaeledd ac yn cael eu dyrannu ar sail cyntaf i’r felin – mae galw mawr am y cyrsiau byr hyn felly rydyn ni’n argymell eich bod chi’n cofrestru cyn gynted â phosibl i osgoi cael eich siomi. Does dim modd i ni gadw lle ar unrhyw un o’r cyrsiau. Dydy eich lle ar y cwrs ddim wedi’i warantu nes eich bod wedi cofrestru’n swyddogol drwy’r system cadw lle a derbyn e-bost yn cadarnhau hynny.
Dull Talu: Y dull o dalu a ffefrir yw taliad cerdyn neu BACS. Os ydych yn talu drwy anfoneb ac yn gweithio i sefydliad y sector cyhoeddus, bydd angen copi PDF o’ch archeb brynu cyn bod modd rhoi anfoneb. E-bostiwch hwn i train@caerdydd.ac.uk. Mae modd cofrestru ac anfon manylion talu ar ôl hynny os oes angen.
Cysylltwch â Lucy Griffiths (Griffithsl44@caerdydd.ac.uk) neu Zoe Macdonald (MacdonaldZ@caerdydd.ac.uk) os oes gennych chi unrhyw gwestiynau.
